Beth yw Nadolig Cymunedol?
Mae Nadolig Cymunedol yn gyfeiriadur rhad ac am ddim o ddigwyddiadau a gweithgareddau Nadoligaidd a gynhelir ledled y DU rhwng 1 Rhagfyr 2024 a 1 Ionawr 2025 sy’n croesawu pobl hŷn 75 oed a hŷn ac sy’n hygyrch iddynt.
Mae’r cyfeiriadur yn adnodd gwych ar gyfer pobl hŷn a allai fod yn unig neu’n ynysig yn gymdeithasol, i gael gwybodaeth am ddigwyddiadau lle gallant dreulio amser gydag eraill yn ystod cyfnod yr Ŵyl.
Os ydych chi'n cynllunio digwyddiad neu weithgaredd Nadoligaidd, y gall person hŷn 75 oed neu hŷn fynd iddo, mae croeso i chi roi cyhoeddusrwydd iddo yn ein cyfeiriadur ar-lein rhad ac am ddim. Gall fod yn unrhyw beth o ffair grefftau neu de prynhawn i bantomeim neu ginio Nadolig gyda’r trimins i gyd. Cyn belled â'i fod yn addas i bobl hŷn, rydym yn hapus i roi cyhoeddusrwydd iddo.
Os hoffech fynd i ddigwyddiad neu weithgaredd Nadoligaidd eleni, cymerwch olwg ar ein cyfeiriadur ar-lein.